REGİONLAR


Beyləqanda 36 mənzilli yaşayış binası tikilir

Beyləqan, 22 iyun, Tahir Ağaməmmədov, AZƏRTAC

Beyləqanda istismar müddəti başa çatmış çoxmənzilli binaların sakinlərinin mənzil-məişət şəraitinin yaxşılaşdırılması üçün 36 mənzilli yaşayış binası inşa edilir. Yaşayış binasının tikintisi Azərbaycan Respublikası Prezidentinin 2019-cu il 13 fevral tarixli Sərəncamına əsasən həyata keçirilir.

AZƏRTAC-ın bölgə müxbiri xəbər verir ki, Məhəmməd Əsədov küçəsində inşa olunan bina dördmərtəbəlidir. İki otaqlı mənzillərdən ibarət yaşayış binasında dəmir-beton, hörgü, elektrik işləri başa çatdırılıb. Hazırda binada dam örtüyü və döşəmə vurulur, qapı və pəncərələr qoyulur, suvaq işləri görülür. Binanın həyətində hər biri 100 kubmetrlik yanğın əleyhinə və içməli su anbarı inşa olunacaq, 250 kilovatlıq transformator quraşdırılacaq.

Yaşayış binasının həyətində abadlıq işləri aparılacaq, uşaqlar üçün əyləncə yerləri yaradılacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.