REGİONLAR


Beyləqanda “Natəvanın lirik poeziyası” adlı ədəbi-bədii gecə keçirilib

Beyləqan, 17 avqust, AZƏRTAC

Beyləqan rayon Mədəniyyət Mərkəzinin Birinci Şahsevən kənd Diyarşünaslıq evində rayon Mərkəzləşdirilmiş Kitabxana Sisteminin 2 nömrəli Birinci Şahsevən kənd kitabxana filialı ilə birlikdə Xurşidbanu Natəvanın 190 illik yubileyinə həsr olunmuş “Natəvanın lirik poeziyası” adlı ədəbi-bədii gecə keçirilib.

AZƏRTAC-ın bölgə müxbiri xəbər verir ki, tədbir iştirakçıları əvvəlcə kitabxana əməkdaşları tərəfindən təşkil olunmuş kitab sərgisi ilə tanış olublar. Sonra şairə, Xan qızı Xurşidbanu Natəvanın həyat və yaradıcılığı haqqında ətraflı məlumat verilib.

Tədbirdə Birinci Şahsevən kənd tam orta məktəbin şagirdləri şairənin qəzəllərindən nümunələr səsləndiriblər. Sonra mədəniyyət müəssisəsinin əməkdaşlarının ifasında Natəvanın Aleksandr Düma ilə şahmat oynadığı səhnə təqdim edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.