CƏMİYYƏT


Beynəlxalq Miqrasiya Təşkilatı ağacəkmə aksiyası keçirəcək

Bakı, 15 noyabr, AZƏRTAC 

Noyabrın 16-da Beynəlxalq Miqrasiya Təşkilatının Azərbaycandakı nümayəndəliyi (BMqT), Dövlət Miqrasiya Xidməti və Ekologiya və Təbii Sərvətlər Nazirliyi ilə birgə ağacəkmə aksiyası keçirəcək.

Nümayəndəlikdən AZƏRTAC-a bildiriblər ki, Səbail rayonundakı “Velopark”ın ərazisində keçiriləcək aksiya zamanı təşkilatçı qurumların kollektivi 220 zeytun ağacı əkəcək.

Tədbirin məqsədi miqrasiya, ətraf mühit və iqlim dəyişikliyi məsələlərinə ictimaiyyətin diqqətini artırmaq, Azərbaycan Hökumətinin yaşıllaşdırma və ətraf mühitin qorunması sahəsində göstərdiyi təşəbbüslərə əlavə töhfə verməkdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.