İQTİSADİYYAT


Beynəlxalq Valyuta Fondu ilə Azərbaycanın gələcək inkişaf planları müzakirə edilib

Bakı, 10 aprel, AZƏRTAC

Beynəlxalq Valyuta Fondu (BVF) ilə Azərbaycan arasında texniki əməkdaşlıq sahəsində mövcud əlaqələrinin hazırkı vəziyyəti və perspektivləri müzakirə olunub.

Maliyyə Nazirliyinin mətbuat xidmətindən AZƏRTAC-a bildirilib ki, aprelin 10-da maliyyə naziri Samir Şərifov Beynəlxalq Valyuta Fondunun Azərbaycan üzrə missiyasının yeni rəhbəri Natalia Tamirisa ilə görüşüb. Görüşdə Azərbaycan üzrə missiyanın keçmiş rəhbəri Məhəmməd əl-Qorçi də iştirak edib.

Tanışlıq xarakteri daşıyan görüşdə BVF ilə Azərbaycan arasında texniki əməkdaşlıq sahəsində mövcud əlaqələrinin hazırkı vəziyyəti və perspektivləri, gələcək inkişaf planları barədə fikir mübadiləsi aparılıb. Həmçinin ölkədə makroiqtisadi sabitliyin, davamlı və dayanıqlı iqtisadi inkişafın təmin olunduğu, əlverişli biznes və investisiya mühitinin yaradıldığı qeyd olunub.

S.Şərifov N.Tamirisaya gələcək fəaliyyətində uğurlar arzulayıb, BVF ilə Azərbaycan arasında mövсud yüksək səviyyəli əlaqələrin daha da dərinləşdirilməsi istiqamətində səy göstərəcəyinə ümidvar olduğunu bildirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.