DÜNYA


Bəzi Avropa ölkələrində gözəllik salonlarının ziyarət edilməsi ilə bağlı yeni qaydalar qüvvəyə minir

Praqa, 25 aprel, AZƏRTAC

Bu gündən etibarən Çexiya, Slovakiya və Sloveniyada gözəllik salonlarının ziyarət edilməsi ilə əlaqədar olaraq yeni qaydalar qüvvəyə minir.

AZƏRTAC xəbər verir ki, bu müəssisələr açıq qalacaq, lakin pandemiyanın yeni dalğasının qarşısının alınması məqsədilə işçilər və müştərilər üçün yeni qaydalar nəzərdə tutulur.

Birincisi, hər kəsin yanında qoruyucu FFP2, KN95 və ya N95 maska olmalıdır. Artıq cərrahi maskanın istifadəsinə icazə verilmir. Bundan əlavə, müştəri son 24 saat ərzində verilmiş COVID-19 testinin mənfi nəticəsini təqdim etməlidir. Bu PZR-testi və ya ekspress-test ola bilər.

Salonların işçiləri isə həftədə iki dəfə testdən keçməlidirlər.

Pərvanə Qarayeva

AZƏRTAC-ın xüsusi müxbiri

Praqa 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.