ELM VƏ TƏHSİL


Bilik Fondu Folklor İnstitutunda görüş təşkil edib

Bakı, 22 iyun, AZƏRTAC

İyunun 22-də Azərbaycan Respublikasının Prezidenti yanında Bilik Fondu Azərbaycan Milli Elmlər Akademiyasının Folklor İnstitutunda “Azərbaycan-Misir mədəni əlaqələrinin keçmişi, bu günü və perspektivləri” mövzusunda görüş təşkil edib.

Bilik Fondundan AZƏRTAC-a bildirilib ki, görüşdə Misir Ərəb Respublikasının Azərbaycandakı səfirliyinin Mədəniyyət və Təhsil Əlaqələri Mərkəzinin rəhbəri, səfirliyin mədəniyyət attaşesi Əhməd Sami Elaydinin mühazirəsi dinlənilib.

Folklor İnstitutunun rəhbərliyi və kollektivinin, Bilik Fondunun beynəlxalq layihələr sektorunun müdiri Rauf Həsənovun iştirakı ilə baş tutan tədbirdə institutun direktoru, akademik Muxtar İmanov xalqlar arasında dostluq və əməkdaşlıq münasibətlərinin inkişafında folklor mədəniyyətinin oynadığı roldan danışıb. Qeyd edib ki, əksər xalqların folklor nümunələrində bir çox oxşar cəhətlər var.

Ə.Elaydi çıxışında təmsil etdiyi ölkənin qədim mədəniyyəti, Misir-Azərbaycan əlaqələrinin tarixi və bu əlaqələrin inkişaf mərhələləri barədə ətraflı məlumat verib. Məruzəçi Azərbaycanla Misir arasında dostluq münasibətlərinin yüksələn xətt üzrə davam etdiyini xatırladaraq, elmi və mədəni əlaqələrin daha da genişlənməsi məqsədilə keçmişin dərindən öyrənilməsinə ehtiyac olduğunu bildirib.

Tədbirdə qonağa institutun Azərbaycan folklorunun incilərindən ibarət hədiyyə dəsti təqdim olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.