DÜNYA


Birləşmiş Ştatların neft ehtiyatları 489 milyon barrelə düşüb

Bakı, 16 oktyabr, AZƏRTAC

ABŞ-ın xam neft ehtiyatları azalır.

AZƏRTAC xəbər verir ki, bu barədə ABŞ-ın Enerji İnformasiya Administrasiyasının (EIA) məlumatında deyilir. Bildirilir ki, ötən hesabat həftəsində ölkədəki neft ehtiyatları 3,8 milyon barrel (0,8 faiz) azalaraq 489,1 milyon barrel olub. Bu göstərici aprel ayından bəri ən aşağı səviyyədir. Bazar proqnozları ehtiyatların 2,8 milyon barrel azalacağı istiqamətində idi. Əvvəlki həftə neft ehtiyatları 500 min barrel artmışdı.

Ölkənin distillə edilmiş neft ehtiyatlarında 2003-cü ildən bəri ən böyük azalma qeydə alınıb.

ABŞ-ın strateji neft ehtiyatları isə 1,2 milyon barrel azalaraq 640,8 milyon barrel olub.

Ölkənin benzin ehtiyatları da hesabat həftəsində 1,6 milyon barrel (0,7 faiz) azalaraq 225,1 milyon barrel təşkil edib. Bazar proqnozları ehtiyatların geriləyəcəyi istiqamətində idi. Benzin ehtiyatları əvvəlki həftə 1,4 milyon barrel azalmışdı.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.