DÜNYA


Bolqarıstan və Rumıniya Şenqen məkanına daxil olmaq üçün birgə səyləri davam etdirir

Buxarest, 20 oktyabr, AZƏRTAC

Bolqarıstan və Rumıniya Şenqen məkanına daxil olmaq üçün birgə səyləri davam etmək niyyətindədir.

AZƏRTAC xəbər verir ki, bu məsələ Bolqarıstan parlamentində Rumıniya və Bolqarıstanın xarici işlər komissiyalarının sədri Dorel Keprarın və Tsvetan Tsvetanovun görüşündə müzakirə edilib.

T.Tsvetanov görüşdə bildirib ki, hər iki ölkə Şenqen məkanına daxil olmaq üçün bütün meyarları yerinə yetirib, amma buna baxmayaraq ədalətsizliklə üzləşərək məkana qəbul edilmir. Sədr iki ölkənin bir-birinə dəstək verməsinin vacibliyini və bu istiqamətdə daha güclü birliyin nümayiş olduğunu diqqətə çatdırıb.

Dorel Keprar da həmkarı ilə tam razı olduğunu bildirib. O iki ölkənin tam hazır olduğunu və Avropa İttifaqı qarşısında götürdükləri öhdəlikləri bundan sonra da yerinə yetirəcəklərini söyləyib. Rumıniya rəsmisi iki ölkə arasında təhlükəsizlik, sərhədlərin qorunması üzrə əməkdaşlığın inkişafını xüsusi vurğulayıb.

İqbal Hacıyev

AZƏRTAC-ın xüsusi müxbiri

Buxarest

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.