DÜNYA


Boris Conson: Böyük Britaniya elm supergücünə çevriləcək

London, 21 iyun, AZƏRTAC

Böyük Britaniyanın Baş naziri Boris Conson ölkəsini elm supergücünə çevirəcəyini açıqlayıb.

O, tədqiqat büdcəsindəki artımı ölkəsini elm supergücünə çevirmək üçün xərcləyəcəyini bildirib. Conson söyləyib ki, tədqiqat büdcəsindəki artım ictimai rifah üçün istifadə ediləcək və ilk iş olaraq Milli Elm və Texnologiya Şurası yaradılacaq. Şuraya Conson özü rəhbərlik edəcək.

Hökumətin baş elm məsləhətçisi Patrik Vallans isə hazırkı vəzifəsi ilə yanaşı, milli texnoloji məsləhətçi vəzifəsini də icra edəcək.

Baş nazir Krallıqda həyata keçirilən peyvənd proqramının ölkəsinin elmi olaraq nəyə nail ola biləcəyini sübut etdiyini söyləyib.

Hökumət 2025-ci ilədək tədqiqat xərclərini 15 milyard funt sterlinqdən 22 milyard funt sterlinqə qədər artırmağı hədəfləyir.

 

Aynurə Tağıyeva

AZƏRTAC-ın xüsusi müxbiri

London

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.