Boris Conson kiçik cərrahiyyə əməliyyatı keçirib

Bakı, 20 iyun, AZƏRTAC

Böyük Britaniyanın Baş naziri Boris Conson London xəstəxanasında burnundan əməliyyat olunub.

AZƏRTAC xəbər verir ki, bu barədə BBC telekanalı Dauninq-stritə istinadla məlumat yayıb. Məlumata əsasən, Boris Conson ümumi anesteziya altında kiçik rutin əməliyyat keçirib. Əməliyyat yerli vaxtla saat 6:00-da olub və Baş nazir dörd saatdan sonra Dauninq-stritə qayıdıb.

Onun işə qayıtması özünü necə hiss etməsindən asılı olacaq. Lakin qeyd olunur ki, Baş nazirin iyunun 21-də nazirlərlə görüşü planlaşdırılıb.

Boris Conson işə qayıdana qədər onun səlahiyyətlərini müvəqqəti olaraq müavini Dominik Raab üzərinə götürüb.