DÜNYA


Böyük Britaniyada qaydalar yenidən sərtləşdirilib

London, 18 oktyabr, AZƏRTAC

Böyük Britaniyada koronavirusa yoluxma hallarında artım baş verdiyi üçün qaydalar yenidən sərtləşdirilib.

AZƏRTAC yerli KİV-lərə istinadla xəbər verir ki, ölkədə xəstəliyə yoluxanların ümumi sayı 660 minə yaxınlaşır, ölənlərin sayı isə 43 min 245-ə çatıb. London, Liverpul və Mançesterdə yoluxma pik həddədir.

Hökumət tərəfindən virusun yayılma sürətinə və epidemiyanın yaratdığı təhlükənin ölçüsünə görə ölkə orta, yüksək və çox yüksək həyəcan zonalarına bölünüb və hər biri üçün ayrı sosial məsafə tədbirləri nəzərdə tutulub.

Yüksək təhlükənin qiymətləndirildiyi bölgələrdə, bütün qapalı yerlərdə keçirilən yığıncaq və görüşlər, eləcə də çöldə 6 nəfərdən artıq insanın toplanması qadağan edilib.

Aynurə Tağıyeva

AZƏRTAC-ın xüsusi müxbiri

London

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.