İQTİSADİYYAT


“Brent”in qiyməti 57 dollar/barrelə düşüb

Bakı, 29 noyabr, AZƏRTAC

Neftin qiyməti son 13 ayın minimumuna geriləyib.

AZƏRTAC xəbər verir ki, “Brent” markalı xam neftin bir barrelinin qiyməti ötən ilin oktyabrından indiyədək ən aşağı səviyyəyə düşüb. “Light” markalı neftin qiyməti də son 13 ayın minimumuna geriləyib.

Hazırda “Brent”in bir barreli Londonun ICE birjasında 57,72 dollara, “Light” neftinin bir barreli isə Nyu-Yorkun NYMEX birjasında 49,56 dollara alıcı axtarır.

Ekspertlərin fikrincə, bazardakı tədarük bolluğu neftin qiymətinin ucuzlaşmasına səbəb olur. Hazırda bazar Neft İxrac Edən Ölkələr Təşkilatına (OPEC) üzv ölkələrin dekabrda keçirəcəkləri toplantıya və qəbul ediləcək qərarlara fokuslanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.