CƏMİYYƏT


CBC telekanalı Şuşa həbsxanasının tarixindən bəhs edən reportaj yayımlayıb VİDEO

Bakı, 14 iyul, AZƏRTAC

CBC televiziyasında “Qarabağın portreti: Şuşa həbsxanası və onun məhbusları” adlı reportaj yayımlanıb.

Reportajda Şuşa həbsxanasının tarixindən bəhs edilir. Şuşa həbsxanasında sovet dövründə ən təhlükəli cinayətkarlar saxlanılıb, eləcə də işğal dövründə ermənilərin azərbaycanlı mülki şəxslərə və hərbi əsirlərə burada dəhşətli işgəncələr verilib. 350 məhbusun saxlanıldığı həbsxana möhkəm və hündür divarlarla əhatə olunub. Şuşa həbsxanası memarlıq üslubu, strateji mövqeyi ilə şəhərin ümumi məkanında xüsusi yer tutur.

Reportajda dünyaşöhrətli fotoqraf Reza Deqatinin Şuşa həbsxanasının tarixi barədə söhbətinə də geniş yer verilib. R.Deqati qeyd edib ki, işğal dövründə xeyli sayda azərbaycanlı burada işgəncələrə məruz qalıb, qətlə yetirilib. Ona görə də ermənilərin Şuşa həbsxanasında törətdikləri cinayətlərin beynəlxalq ictimaiyyətə çatdırılması çox vacibdir.

Həmçinin reportajda erməni terrorçularının bu qalada işgəncə verdikləri azərbaycanlılar da yaşadıqları dəhşətlər barədə danışıblar.

AZƏRTAC həmin telereportajı təqdim edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.