İDMAN


“Çelsi” klubu mərakeşli yarımmüdafiəçi Hakim Ziyeşi transfer edib

Bakı, 13 fevral, AZƏRTAC

İngiltərənin “Çelsi” futbol klubu Niderlandın “Ayaks” komandasının mərakeşli yarımmüdafiəçisi Hakim Ziyeşi transfer edib.

AZƏRTAC xəbər verir ki, klubun rəsmi “Twitter” səhifəsində bu barədə “Hakim Ziyeş ilə bəzi xəbərlərimiz var” paylaşımı edilib.

Xəbər verdiyimiz kimi, London təmsilçisinin məşqçisi Frenk Lampard futbolçunun transfer olunmasını klub rəhbərliyindən israrla tələb edirdi. Qırx bir yaşlı mütəxəssis yanvarda rəhbərlikdən H.Ziyeşin transfer edilməsini istəsə də, məşqçinin bu tələbini yerinə yetirmək mümkün olmamışdı.

İngiltərənin tanınmış qəzeti “The Telegraph” bildirdiyinə görə, klub 26 yaşlı futbolçu ilə beşillik müqavilə imzalayacaq. Müqavilənin detalları bir müddət sonra açıqlanacaq.

Bu transfer baş tutsa da, H.Ziyeş “Çelsi” klubunda yeni mövsümdən çıxış edəcək.

Hakim Ziyeş cari mövsüm ölkə çempionatında 18 oyunda 6 qol və 12 məhsuldar ötürmə ilə yadda qalıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.