İDMAN


Çempionatda ardıcıl üç oyunda məğlub olan “Fənərbağça” beşinci turda nəhayət qalib gəlib

Bakı, 17 sentyabr, AZƏRTAC

Futbol üzrə Türkiyə Superliqasının beşinci turunda “Fənərbağça” komandası səfərdə "Konyaspor"la qarşılaşıb.

AZƏRTAC xəbər verir ki, gərgin idman mübarizəsi şəraitində keçən matç qonaqların 1:0 hesablı qələbəsi ilə başa çatıb.

Oyunda yeganə qolu meydan sahiblərinin qapısından matçın 67-ci dəqiqəsində “Fənərbağça”nın futbolçusu Elif Elmas keçirib. Beləliklə Türkiyə futbolunun liderlərindən biri “Fənərbağça” yeni mövsümdə çempionatda üç ardıcıl məğlubiyyətdən sonra beşinci turda qalib gəlib.

Bu qələbə sayəsində fənərbağçalılar xallarının sayını 6-ya çatdıraraq lider "Qalatasaray"la arasındakı xal fərqini azaldıb.

Qeyd edək ki, bu turda keçirilmiş oyunlarda çempionluğa iddialı komandalardan “Qalatasaray", "Beşiktaş" və Başakşehir” rəqiblərini məğlub edərək üç xala sahib olublar.

Tura "Alanyaspor"- "Trabzonspor” görüşü ilə yekun vurulacaq. Hazırda "Qalatasaray", "Başakşehir" və "Kasımpaşa" komandaları 12 xalla çempionatda birinci, ikinci, üçüncü yerləri bölüşürlər. "Beşiktaş" isə turnir cədvəlində dördüncü pillədə qərarlaşıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.