DÜNYA


Çin ABŞ rəsmilərinin Tayvana səfərini qınayıb

Pekin, 17 sentyabr, AZƏRTAC

Rəsmi Pekin ABŞ dövlət katibinin İqtisadi inkişaf, enerji və ətraf mühit üzrə müavini Kit Krakın Tayvan adasına səfərini qınayıb.

AZƏRTAC xəbər verir ki, Çin Xarici İşlər Nazirliyinin rəsmisi Van Venbin sentyabrın 17-də keçirdiyi mətbuat konfransında ölkəsinin ABŞ rəsmisinin Tayvana səfərinə qəti etirazını bəyan edib. O, Birləşmiş Ştatları “Vahid Çin” prinsipinə və Çin-ABŞ birgə bəyannaməsinə sadiq olmağa çağırıb.

“Bu səfər “Vahid Çin” prinsipini və Çin ilə ABŞ arasında imzalanmış 3 birgə bəyannaməyə ziddir”, - deyən Van Venbin ölkəsinin Vaşinqtondan Tayvan məsələsinə müdaxiləni dərhal dayandırmağı tələb etdiyini bildirib. Qeyd edib ki, Çin vəziyyətin inkişafına uyğun olaraq lazımi cavab tədbirləri görəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.