DÜNYA


Çin Beynəlxalq İdxal Sərgisində 100-dən çox yeni məhsul və texnologiya nümayiş olunacaq

Şanxay, 4 noyabr, AZƏRTAC

Noyabrın 5-10-da keçiriləcək Çin Beynəlxalq İdxal Sərgisində 100-dən çox yeni məhsul ilk dəfə təqdim olunacaq.

AZƏRTAC xəbər verir ki, bu barədə Çinin kommersiya nazirinin müavini Van Binnan məlumat verib. O, həmin yeniliklərin bir çoxunun dünyada ilk dəfə məhz Şanxay sərgisində ictimaiyyətə təqdim olunacağını bildirib.

Van Binnan məhsullar və xidmətlər bölümündən ibarət olan sərgidə ümumilikdə 3000-dən çox şirkətin iştirak edəcəyini açıqlayıb. Onların da 200-ü dünyanın 500 qabaqcıl şirkətlərinin daxil olduğu siyahıda (“Fortune 500”) yer alanlardır.

Qeyd edək ki, sərginin kənd təsərrüfatı və qida məhsulları, xidmətlər bölmələrində Azərbaycanın iki vahid ölkə stendində “Made in Azerbaijan” brendi ilə istehsal olunan məhsullar və şirkətlərimizin müxtəlif istiqamətlər üzrə xidmətləri nümayiş olunacaq.

Şahin Cəfərov

AZƏRTAC-ın xüsusi müxbiri

Şanxay

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.