DÜNYA


Çində avtobusun çaya aşması nəticəsində ölənlərin sayı 13-ə çatıb

Pekin, 11 oktyabr, AZƏRTAC

Çinin şimalındakı Hebey əyalətində sərnişin avtobusunun çaya düşməsi nəticəsində ölənlərin sayı 13-ə çatıb.

AZƏRTAC vilayət hökumətinin açıqlamasına istinadla xəbər verir ki, “Jingye” şirkətinə məxsus poladəritmə zavodunun işçilərini daşıyan avtobus yerli vaxtla səhər saat 7 radələrində Cinye Pinşan rayonunda hələlik məlum olmayan səbəbdən çayın üzərindəki körpüdən aşaraq suya düşüb. Hadisə yerinə gələn xilasedicilər dərhal axtarış işlərinə başlayıblar. İçərisində 51 nəfərin olduğu avtobusun sərnişinlərindən 13 nəfər ölüb, 1 nəfər də itkin hesab olunur. Xilas edilənlərdən 7 nəfəri xəstəxanada həkim nəzarətindədir.

Hazırda itkin düşən şəxsin axtarışları davam edir. Avtobusun sürücüsü saxlanılıb.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.