DÜNYA


Çindən Gürcüstana gələnlər aeroportlarda tibbi yoxlamadan keçəcəklər

Tbilisi, 26 yanvar, AZƏRTAC

Çindən Gürcüstana gələn bütün sərnişinlər Gürcüstan aeroportlarında məcburi tibbi yoxlamadan keçəcəklər.

AZƏRTAC xəbər verir ki, bu barədə Gürcüstanın Məcburi Köçkünlərin İşləri, Əmək, Səhiyyə və Sosial Müdafiə Nazirliyi məlumat yayıb.

Nazir müavini Tamara Qabunia jurnalistlərə bildirib ki, Tbilisi beynəlxalq hava limanında koronavirusla bağlı xüsusi yoxlamalar keçiriləcək. Yüksək risk zonalarından olan insanlara xüsusi diqqət yetiriləcək. Epidemioloji xidmət səfərbər olunub, həkimlər 24 saat iş rejimində fəaliyyət göstərirlər.

Aeroportlarda sərnişinlərə hər hansı virusoloji simptomları hiss etdikdə haraya müraciət etmələrini bildirən və üç dildə hazırlanmış xüsusi broşürlər paylanıb. Bununla yanaşı, həmin virusa yoluxmada şübhəli bilinən sərnişinlərin müraciət edəcəkləri xəstəxanalar da müəyyən olunub.

Vəziyyətlə əlaqədar Tbilisi, Batumi, Kutaisi və Zuqduqi infeksion xəstəxanaları fövqəladə iş rejiminə keçiblər.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.