ELM VƏ TƏHSİL


DİM: Nəzarətçilərin elektron qeydiyyatı sistemi noyabrın 19-dan dekabrın 10-dək aktiv olacaq

Bakı, 19 noyabr, AZƏRTAC

Nəzarətçilərin elektron qeydiyyatı sistemi ilə işləyəcək əlaqələndiriciləri üçün treninq keçirilib.

Dövlət İmtahan Mərkəzindən AZƏRTAC-a bildirilib ki, treninqdə Bakı və Sumqayıt şəhərlərinin, Abşeron rayonunun, həmçinin qeyd olunan şəhərlərdə məskunlaşmış qaçqın və məcburi köçkün rayonlarının ümumi təhsil müəssisələrinin əlaqələndiriciləri və Dövlət İmtahan Mərkəzinin regional bölmə mərkəzlərinin məsul şəxsləri iştirak ediblər. Treninqlər eyni qaydada regional bölmə mərkəzlərinin məsul şəxsləri tərəfindən həmin mərkəzlərə daxil olan rayonların əlaqələndirciləri üçün də keçiriləcək.

Əlaqələndiricilərə nəzarətçilərin elektron qeydiyyatı sisteminin strukturu, funksiyaları, sistemlə işləmək qaydaları haqqında, bazaya daxil edilmiş nəzarətçi-müəllimlərin şəxsi və digər zəruri (təhsil səviyyəsi, ixtisası və təhsillə bağlı digər informasiyalar, sosial sığorta və bank rekvizitləri haqqında və s.) məlumatlarının daxil edilməsi və dəqiqləşdirilməsi, yeni nəzarətçilərin qeydiyyatının aparılması və əmək müqavilələrinin bağlanılması qaydaları barədə ətraflı məlumat verilib.

Nəzarətçilərin elektron qeydiyyatı sistemində, həmçinin zal nəzarətçilərinə şəxsi kabinetlərinin istifadəçi adı və parolundan istifadə etməklə öz məlumatlarını fərdi qaydada təsdiq etmək imkanı yaradılıb. Qeyd edək ki, cari bazada 16000-dən çox zal nəzarətçisi var.

Qeyd edək ki, bu sistem ümumi təhsil müəssisələrindən test imtahanlarına cəlb olunan müəllimlərdən ibarət zal nəzarətçiləri bazasının formalaşdırılması işinin sürətləndirilməsi və səmərəliliyinin artırılması məqsədilə yaradılıb. Ümumi təhsil müəssisəsi tərəfindən sistemə cavabdeh şəxs qismində təyin olunan əlaqələndirici “Şəxsi kabinet”inin istifadəçi adı və şifri ilə məktəb üzrə zal nəzarətçiləri bazasına daxil olur, mövcud nəzarətçilər bazasında onların zəruri məlumatlarını dəqiqləşdirir, yeni nəzarətçilərin qeydiyyatını aparır, müqavilələr bağlayır və məktəb üzrə ümumi siyahını təsdiq edərək DİM-ə təqdim edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.