MƏDƏNİYYƏT


DTA sədri İƏT-in Baş katibi Hissein Brahim Taha ilə görüşüb

Bakı, 28 iyun, AZƏRTAC

İyunun 27-də İslam Əməkdaşlığı Təşkilatının Turizm Nazirlərinin 11-ci konfransı çərçivəsində Dövlət Turizm Agentliyinin (DTA) sədri Fuad Nağıyev təşkilatın Baş katibi Hissein Brahim Taha ilə görüşüb.

DTA-dan AZƏRTAC-a bildirilib ki, görüşdə Fuad Nağıyev İƏT Turizm Nazirlərinin 11-ci konfransına ev sahibliyi etməkdən məmnunluq duyduğunu qeyd edərək təşkilati dəstəyə görə İƏT Katibliyinə təşəkkürünü bildirib.

Agentlik sədri Baş katibə Ali Baş Komandanın rəhbərliyi ilə qazanılan Qələbədən sonra Qarabağda aparılan quruculuq işləri və azad edilmiş torpaqların turizm potensialı haqqında məlumat verərək cənab Hissein Brahim Tahanı Şuşaya dəvət edib.

Həmçinin Fuad Nağıyev Azərbaycanın İslam Əməkdaşlıq Təşkilatı ilə əlaqələrin inkişafına önəm verdiyini, artıq İƏT ölkələrinin turizm nazirlərinin 2 görüşünün Azərbaycanda keçirildiyini diqqətə çatdırıb.

Öz növbəsində Baş katib göstərilən yüksək qonaqpərvərliyə görə Azərbaycan tərəfinə minnətdarlığını bildirib və iyunun 28-də keçiriləcək nazirlər toplantısının üzv ölkələr arasında turizm əlaqələrinin daha da genişlənəcəyinə töhfə verəcəyinə inamını ifadə edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.