ELM VƏ TƏHSİL


Daha 15 məzun SOCAR-ın Kompleks Qazma Trestində işə başlayıb

Bakı, 18 iyul, AZƏRTAC

Bakı Ali Neft Məktəbini (BANM) bu il bitirən məzunlar şirkətlərin diqqət mərkəzindədir. Bu ali məktəbin 2018-ci il məzunlarından daha 15 nəfəri SOCAR-ın Kompleks Qazma İşləri Tresti (KQİT) tərəfindən işə qəbul edilib.

BANM-dən AZƏRTAC-a bildirilib ki, onların 12-si qazmaçı, 2-si geoloq, 1 nəfər isə elektronika mühəndisi olaraq işə götürülüb.

BANM-in məzunları heç bir müsabiqə keçmədən KQİT tərəfindən birbaşa işə götürülərək öz vəzifə təlimatlarının icrasına başlayıblar. Yeni işçilər üçün əvvəlcə əməyin təhlükəsizliyi qaydaları və sahə təlimatları üzrə təlimlər keçirilib. Sonra məzunlar dənizdə və quruda öz yeni vəzifə təlimatlarının icrasına dair prosesləri müşahidə etmək və öyrənmək üçün işə başlayıblar.

Qeyd edək ki, Kompleks Qazma İşləri Tresti ölkəmizin quru və dəniz əraziləri üzrə SOCAR-a məxsus 25-ə yaxın yataqda beynəlxalq standartların tələblərinə uyğun olaraq yeni texniki vasitələr və texnologiyadan istifadə etməklə, ətraf mühitə ziyan vurmadan, işçilərin sağlamlığını qoruyan tam təhlükəsiz əmək şəraitində axtarış-kəşfiyyat və istismar-qazma işləri aparır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.