DÜNYA


Danimarka koronavirusun yeni mutasiyası ilə bağlı Cənubi Afrika və ona qonşu altı ölkə ilə səyahət məhdudiyyətləri tətbiq edəcək

Stokholm, 26 noyabr, Rauf Əliyev, AZƏRTAC

Gecə yarısından etibarən Danimarka koronavirusun yeni mutasiyasının yarandığına görə Cənubi Afrika və ona qonşu altı ölkə ilə səyahət məhdudiyyətləri tətbiq edəcək.

AZƏRTAC Danimarka KİV-lərinə istinadən xəbər verir ki, noyabrın 27-dən başlayaraq Cənubi Afrika və ona həmsərhəd altı ölkəyə yeni səyahət məhdudiyyətləri tətbiq olunacaq.

Məhdudiyyətlər bu ərazidə peyda olunan koronavirusun yeni, daha yoluxucu və təhlükəli variantı ilə əlaqədardır.

Beləliklə, Cənubi Afrika regionundan olan şəxslərin Danimarkaya səyahət etməsi üçün, sənədlə təstiq edilən səbəb olmalıdır. Bununla yanaşı, yeddi ölkədən birindən Danimarkaya səyahət edən hər bir şəxs, koronavirus testinin mənfi nəticələrini təqdim etməli və Krallığa çatdıqda karantin altına yerləşdirilməli olacaq. Karantinin sonunda səfər edənlər yenidən test verməli olacaqlar.

Rauf Əliyev

AZƏRTAC-ın xüsusi müxbiri

Stokholm

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.