DÜNYA


Danimarkada ticarət mərkəzində atışma olub, bir neçə nəfər yaralanıb – polis əməliyyat keçirir

Stokholm, 3 iyul, Rauf Əliyev, AZƏRTAC

Danimarka paytaxtının Erestad rayonunda yerləşən Field's ticarət mərkəzində baş verən atışmada bir neçə nəfər yaralanıb.

AZƏRTAC xəbər verir ki, bu barədə Danimarka polisi tviter hesabında məlumat paylaşıb.

Hadisə yerinə çox sayda polis qüvvələri, eləcə də bir neçə təcili yardım maşını cəlb olunub. Ticarət mərkəzinin ətrafı mühasirəyə alınıb, havaya helikopter qaldırılıb. Eyni zamanda, polis hər kəsi mərkəzin ətrafındakı ərazidən uzaq durmağa çağırıb.

Ticarət mərkəzindəki insanlara olduqları yerdə qalmaları və polis qüvvələrini gözləmələri barədə çağırış edilib.

Polisin yaydığı məlumata əsasən, bir neçə nəfər yaralanıb, bir nəfər saxlanılıb. Ticarət mərkəzindəki silahlı şəxslərə qarşı əməliyyat davam edir.

 
Rauf Əliyev
AZƏRTAC-ın xüsusi müxbiri
Stokholm

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.