CƏMİYYƏT


Daşkənddə Gənc Sahibkarların I Forumunda Azərbaycan nümayəndə heyəti də iştirak edib

Daşkənd, 21 sentyabr, АZƏRTAC

Türkdilli Dövlətlərin Əməkdaşlıq Şurasına (Türk Şurası) üzv ölkələrin gənclər və idman nazirlərinin sentyabrın 21-də Daşkənddə keçirilən 5-ci iclası çərçivəsində Gənc Sahibkarların I Forumu təşkil olunub.

AZƏRTAC xəbər verir ki, Forumda ölkəmizi Azərbaycanın gənclər və idman naziri Fərid Qayıbovun rəhbərliyi ilə nümayəndə heyəti təmsil edib. Nümayəndə heyətinə qida sənayesi, kənd təsərrüfatı, yüngül sənaye, memarlıq, turizm və digər sahələrdə fəaliyyət göstərən 14 gənc sahibkar daxildir.

Tədbirdə Türk Şurasına üzv dövlətlərin gənclər və idman nazirləri çıxış edərək bu sahədə əməkdaşlığın inkişaf etdirilməsinin vacibliyini vurğulayıb, rəy və təkliflərini bildiriblər.

Fərid Qayıbov forumda çıxış edərək bildirib ki, biz bu gün Türk Şurası çərçivəsində gənc sahibkarlarla bağlı yeni layihənin açılışını edirik. Bu layihə gənc sahibkarlar arasında əməkdaşlıq üçün həm də bir körpüdür. Əminəm ki, bu forum hər bir gənc sahibkar üçün yaxşı fürsət olacaq.

Forum çərçivəsində aparılacaq müzakirələrin və keçiriləcək görüşlərin faydalı olacağına əminliyini ifadə edən nazir, həmçinin birgə standartların hazırlanması, qarşılıqlı investisiya mühitinin yaradılması və digər məsələlərin gənc sahibkarlar üçün önəmli olduğunu vurğulayıb.

Qeyd edək ki, Forumun açılışında Azərbaycanın Özbəkistandakı səfiri Hüseyn Quliyev iştirak edib.

Forum işini bölmə iclasları ilə davam etdirib.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.