İQTİSADİYYAT


Daşkənddəki “Tikinti-UzBulid” sərgisində Azərbaycan da iştirak edir

Daşkənd, 28 fevral, АZƏRTAC

Daşkənddə keçirilən “Tikinti-UzBulid” beynəlxalq sərgisində Azərbaycan da iştirak edir.

AZƏRTAC xəbər verir ki, 22 ölkənin təmsil olunduğu sərgidə ölkəmizi “SOBSAN NGM” Azərbaycan-Özbəkistan Birgə Müəssisəsi təmsil edir. Sərgidə müəssisənin istehsal etdiyi müxtəlif boya məhsulları, laklar, universal rəng pastası və digər məhsullar nümayiş etdirilir.

Müəssisənin rəhbəri Nazim Musazadə AZƏRTAC-ın müxbirinə bildirib ki, müəssisənin stendinə maraq böyükdür: “Özbəkistanın və bir sıra digər dövlətlərin tikinti şirkətlərinin nümayəndələri bizimlə əməkdaşlıq etmək istəyir. Bir neçə şirkətlə danışıqlar aparmışıq. Əminəm ki, əməkdaşlığımız öz bəhrəsini verəcək”.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.