DÜNYA


Demokratlar ABŞ senatı üzərində formal nəzarət əldə edib

Bakı, 21 yanvar, AZƏRTAC

ABŞ-da üç yeni demokrat-senatorun andiçməsindən sonra Demokratlar partiyası senatda formal çoxluq əldə edib.

AZƏRTAC Amerika KİV-lərinə istinadla xəbər verir ki, yanvarın 5-də Corciya ştatında keçirilən səsvermənin ikinci turunda respublikaçılar Devid Peryu və Kelli Loffler üzərində qələbə qazanan Con Ossoff və Rafael Uornok ABŞ senatında and içib.

Hazırda senatda qüvvələr balansı bərabərdir - 50:50. Lakin ABŞ-ın vitse-prezidenti Kamala Harrisin də senatda səsvermə hüququndan istifadə edə bilməsi Demokratlar partiyasına senata nəzarət etmək imkanı verir. Beləliklə, 2010-cu ildən bəri demokratlar ABŞ konqresi üzərində tam nəzarətə yiyələnməyə nail olub.

Demokratlar partiyası üç sahəni - sabiq Prezident Donald Trampın impiçmenti üzrə ikinci prosesi, COVID-19 infeksiyası ilə mübarizənin yeni raundunu və yeni Prezident Cozef Bayden dövründə nazir postlarına namizədlərin təsdiq edilməsini yaxın prioritetlər sırasına daxil edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.