İDMAN


Dörd qadın güləşçimizin dünya çempionatında ilk rəqibi müəyyənləşib

Bakı, 17 sentyabr, AZƏRTAC

Qazaxıstanın paytaxtı Nur-Sultanda güləş üzrə dünya çempionatı davam edir.

AZƏRTAC xəbər verir ki, çempionatın beşinci yarış günündə - sentyabrın 18-də qadın güləşçilər 57, 59, 65 və 76 kiloqram çəki dərəcələrində mübarizə aparacaqlar.

Sentyabrın 17-də həmin çəkilər üzrə püşkatma mərasimi keçirilib və yığmamızın üzvlərinin ilk rəqibləri müəyyənləşib. Belə ki, Alyona Kolesnik (57 kq) ukraynalı İrina Çixradze, Tatyana Omelçenko (59 kq) Yeni Zelandiya idmançısı Ana Paulina Mokeyava, Elis Manolova (65 kq) hindistanlı Kaur Navyot, Səbirə Əliyeva (76 kq) isə Koreya Respublikasından olan güləşçi Eunyu Hvanq ilə qarşılaşacaq.

Çempionatın ikinci günündə yunan-Roma güləşçilərimizdən Rafiq Hüseynov (82 kiloqram) gümüş, Eldəniz Əzizli (55 kiloqram) isə bürünc medal qazanıblar.

Qeyd edək ki, dünya çempionatında 100-dən çox ölkədən 900 güləşçi 30 dəst medal uğrunda mübarizə aparır. “Tokio 2020” Yay Olimpiya Oyunlarına lisenziya xarakteri daşıyan çempionatda güləşçilər 108 Olimpiya vəsiqəsi uğrunda yarışırlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.