Bakı, 30 oktyabr, AZƏRTAC

Noyabrın 11-də “Art management” layihəsi çərçivəsində “Təsviri incəsənət sahəsində cinayətlər. Təsnifat. Tarix. Mübarizə üsulları” mövzusunda vebinar keçiriləcək.

Dövlət Rəsm Qalereyasından AZƏRTAC-a bildirilib ki, layihə çərçivəsində reallaşacaq təlim sənətşünas Sevil Kərimovanın iştirakı ilə təşkil olunacaq.

“Zoom” tətbiqi vasitəsilə gerçəkləşəcək treninqdə dinləyici qismində iştirak etmək istəyən şəxslərdən qeydiyyat üçün “Art management” başlığını qeyd etməklə [email protected] elektron-poçt ünvanına müraciət etmək xahiş olunur.

Layihə çərçivəsində keçirilən vebinarlar barədə məlumatları Azərbaycan Dövlət Rəsm Qalereyasının rəsmi saytı (www.azgallery.az), feysbuk və instaqram sosial media hesablarından izləmək mümkündür.