Dünya bazarında “Azeri Light” markalı neftin qiyməti artıb

Bakı, 30 mart, AZƏRTAC

İtaliyanın Auqusta limanında CIF bazisi üzrə Azərbaycanın “Azeri Light” markalı neftinin bir barelinin qiyməti 0,12 dollar bahalaşaraq 80,86 dollar olub.

AZƏRTAC xəbər verir ki, Türkiyənin Ceyhan limanında FOB bazisi üzrə “Azeri Light” markalı neftin bir barelinin qiyməti 0,17 dollar bahalaşaraq 78,48 dollar təşkil edib.

Azərbaycanın Rusiyanın Qara dənizdəki Novorossiysk limanından Bakı-Novorossiysk boru kəməri ilə satdığı URALS markalı neftin bir barelinin qiyməti əvvəlki göstəricidən 0,18 dollar bahalaşaraq 44,38 dollar olub.

Şimal dənizindən hasil edilən "Brent Dated" etalon növlü neftin bir barelinin qiyməti martın 29-da 0,19 dollar bahalaşaraq 78,03 dollar təşkil edib.