DÜNYA


Dünyada robotlar işlədən ilk hotel onlardan imtina edir

Bakı, 17 yanvar, AZƏRTAC

Yaponiyanın məşhur “Henn na Hotel” (“Qəribə hotel”) hoteli öz vəzifəsinin öhdəsindən gəlməyən, heyət və müsafirlər üçün problemlər yaradan robot əməkdaşların yarısından çoxunu “işdən azad” edib.

AZƏRTAC xəbər verir ki, bu barədə hotelin baş direktoru Takeosi Oi məlumat verib. O deyib ki, texnologiyalar sürətlə köhnəlir, robotların modernizasiyası isə baha başa gəlir.

“The Wall Street Journal” qəzeti bu hoteldə insanların həyatını rahatlaşdıran qurğuların qüsurlarından yazıb. Məsələn, nömrələrdə quraşdırılan köməkçi robotlar müsafirlərin xorultusunu tanıya bilmədiyi üçün onları “Nə ilə kömək edə bilərəm?” sualı ilə oyadıb.

“Henn na Hotel” 2015-ci ildə Saseboda açılıb və Ginnesin Rekordlar Kitabına düşüb. Hoteldə cəmi 243 robot işləyir. Onların yarısı yararsız sayılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.