CƏMİYYƏT


Dünyanın bir çox ölkəsindən Azərbaycan Tibb Universitetinin tələbəsi adını qazanmağı istəyənlər var

Bakı, 24 avqust, AZƏRTAC

Avqustun 20-dən etibarən Azərbaycan Tibb Universitetinə (ATU) xarici vətəndaşların qəbuluna başlanılıb.

ATU-nun mətbuat xidmətindən AZƏRTAC-a bildiriblər ki, artıq dörd gündür davam edən qəbul prosesi zamanı bir sıra xarici ölkə vətəndaşının Azərbaycan Tibb Universitetinin tələbəsi adını qazanmaq arzusunda olduğu müəyyən edilib. Belə ki, ATU-ya müraciət edənlər arasında Türkiyə, Rusiya, Ukrayna, İran, Nigeriya və digər ölkələrin vətəndaşları da var.

Universitetin rektoru, professor Gəray Gəraybəylinin əmri ilə ATU-ya xarici tələbələrin qəbulu prosesinə nəzarət komissiyası yaradılıb. Beş nəfərdən ibarət komissiyanın sədri ATU-nun ümumi işlər üzrə prorektoru Natiq Xəlilovdur.

Komissiyanın üzvləri ATU-ya qəbul olmaq istəyən xarici vətəndaşları müsahibədən keçirir, onların bilik səviyyəsini yoxlayır, qəbul üçün müvafiq sənədlərin qaydasında olmasına nəzarət edirlər.

Sənədlərin siyahısı ilə (http://www.amu.edu.az/az/pages/4661/4733) linkdə tanış olmaq olar.

Xarici tələbələrin sənəd qəbulu sentyabrın 30-dək davam edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.