Azərbaycan Dövlət İnformasiya Agentliyi

CƏMİYYƏT

Ekokönüllü: Əl-ələ verib torpaqlarımızı yenidən cənnət guşələrinə çevirəcəyik

Bakı, 2 fevral, AZƏRTAC

Sağlam və düzgün yetişən gənclik xalqın, millətin gələcək inkişafının bünövrəsi hesab olunur. Məhz sağlam təməl daşları istənilən çətinlikdə, dar məqamda milləti ayaqda tutmağı bacarır, yükün ağırlığına tab gətirir, fırtınalar, çovğunlar qarşısında öz əsalətini itirmir. Azərbaycan gəncliyinin zaman-zaman çətin sınaqlar qarşısında məğrur duruşu milyonlarla azərbaycanlının parlaq gələcəyinə ümid işığı saçıb.

Ruhu ən müqəddəs amalların sevgisi ilə tərbiyə olunmuş gənclərimiz 2020-ci ilin payızında 44 günlük şanlı tarixin bir parçası oldular. Kimisinin canı ilə, kimisinin də qanı ilə yazdığı qəhrəmanlıq dastanı əsrlər keçsə də, oxunduqca oxunacaq. Öz cəsarəti, şücaəti ilə bütün dünyanı özünə heyran qoyan gənclərimiz sübut etdilər ki, istənilən sahədə dövləti, milləti öz arxalarınca xoşbəxt gələcəyə apara bilər, müxtəlif problemlərin, çətinliklərin yükünü öz çiyinlərinə götürə bilərlər.

Son illər dünyadakı qlobal iqlim böhranları fonunda çalınan həyəcan təbilləri Azərbaycan gəncliyini də hərəkətə gətirib. Təbiətsevər gənclərimiz ətraf mühitin qorunması, biomüxtəlifliyin bərpası tədbirlərində də fəal iştirakları ilə seçilir, qəhrəman oğulların canı-qanı bahasına azad etdiyi ərazilərin canlanmasında isə xüsusi canfəşanlıq nümayiş etdirirlər. Belə gənclər arasında Ekologiya və Təbii Sərvətlər Nazirliyinin ekokönüllüləri Günel Axundova, Murad Qurbanov, Bədriyyə Əhmədova da var.

AZƏRTAC-ın müxbiri ilə həmsöhbət olan gənclərin hər üçü ixtisasca ekoloqdur. Onlar bu sahəyə olan sevgilərini müxtəlif aksiyalarda fəal iştirakları ilə də sübut ediblər. Hər üç ekokönüllü hazırda Xankəndi-Laçın yolunda davam edən aksiyanın da iştirakçısı olub. Gənclər öz həmyaşıdlarını təbiət dostu olmağa səsləyir, könüllülük kimi nəcib fəaliyyətdə aktiv iştiraka çağırır.

Qərbi Kaspi Universitetində magistratura pilləsinin birinci kurs tələbəsi olan Murad Qurbanov üç ildir ki, ekokönüllü kimi fəaliyyət göstərir. Bu illər ərzində müxtəlif ərazilərdə keçirilən ağacəkmə aksiyaları, həm də “Təmiz sahillər”, “Zəngin hövzələr” layihələrində iştirak edib. Onun üçün Şuşa və Zəngilan səfərləri xüsusilə fərqlənir. Murad bunu belə izah edir: “Təəssüf ki, Vətən müharibəsində iştirak etmək mənə nəsib olmadı. Lakin müharibəyə könüllü yollanan tanışlarımdan şəhadətə yüksələnlər də oldu. Odur ki, azad edilmiş ərazilərdə təşkil olunan aksiyalar, tədbirlər mənim üçün xüsusi əhəmiyyət kəsb edir. İki dəfə Şuşada, bir dəfə isə Zəngilanda olmuşam. Yol boyu gördüyüm mənzərələr məni çox kədərləndirib. İşğaldan əvvəlki şəkilləri ilə müqayisədə həmin ərazilər əsl xarabalığı xatırladır. Lakin heç nə bizi ruhdan salmır. Hər birimiz şəhidlərimizin başladığı işin davamı olaraq azad edilmiş torpaqlarımızı abadlaşdırmaq üçün çalışmalıyıq. Əminəm ki, əl-ələ verib torpaqlarımızı yenidən cənnət guşələrinə çevirəcəyik.

Hazırda Xankəndi-Laçın yolunda yataqlarımızın qanunsuz talanmasına qarşı keçirilən aksiyada da gənclərimiz fəallıq nümayiş etdirirlər. Mən də həmin aksiyada iştirak etdim. Havanın soyuğu, şaxtası bizi yolumuzdan döndərə bilməyəcək. Çünki o torpaqları azad edən oğullar yağış da, soyuq da, külək də, aclıq da, susuzluq da gördülər, lakin müqəddəs amal uğrunda mübarizələrini son damla qanlarına qədər davam etdirdilər. Bizim də borcumuz onların açdığı cığırla getməkdir”.

Zəngilanda keçirilən Beynəlxalq Su Konfransında da iştirak etdiyini bildirən M.Qurbanov belə tədbirlərin onu gələcək iş həyatına hazırladığını da qeyd edib.

“Bir gəncin gələcək karyerası üçün könüllülük keçərək təcrübə toplaması önəmlidir”, - deyə M.Qurbanov fikirlərinə yekun vurub.

İki ildir, ekokönüllü kimi fəaliyyət göstərən Sumqayıt Dövlət Universitetinin üçüncü kurs tələbəsi Günel Axundova könüllülüyün gənclərin formalaşması, dünyagörüşünün artmasında rolunu xüsusi qeyd edib.

“İki il ərzində bacarıqlarımı və dünyagörüşümü artırmış, həmçinin əlimdən gələn qədəri ilə təbiətə öz töhfəmi verməyə çalışmışam. Əvvəllər daha utancaq, az sosiallaşan biri idim, könüllülük sayəsində bütün komplekslərimi atmışam. Ümumiyyətlə könüllülük həyatı çox əyləncəli və maraqlıdır. Əylənərək öyrənmək, kollektivlə işləmək, təbiətlə təmasda olub onu gözəlləşdirmək insana çox müsbət əhval-ruhiyyə bəxş edir. Bu müddət ərzində bir çox layihə, aksiya və tədbirlərdə iştirak etsəm də, bunlardan ən yadda qalanı və unudulmazı Xankəndi-Laçın yolunda hazırda davam edən aksiyadır. İlk günlərdən orada olmaq bir ekoloq kimi mənim üçün əvəzedilməz hisslər idi. Könüllü olub inkişaf etmək bir gəncin özünə edə biləcəyi ən gözəl yaxşılıqdır. Bütün gəncləri Azərbaycan Gəncləri Günü münasibətilə səmimi qəlbdən təbrik edir, onlara hər zaman belə həmrəy olmağı və gözəl nailiyyətlərlə yadda qalmağı arzulayıram”.

Əvvəllər digər qurumlarda könüllü kimi fəaliyyət göstərən Bədriyyə Əhmədova dörd aydır ki, ekokönüllüdür. Bir ekokönüllü kimi o da Xankəndi-Laçın yolundakı etiraz aksiyasında iştirak missiyasını yerinə yetirib: “Yataqlarımızın qanunsuz talanmasına qarşı etiraz etmək, sərvətlərimizə sahib çıxmaq hər birimizin borcudur. Burada hansı peşənin, ixtisasın yiyəsi olmaq, yaşın, cinsin, dinin, dilin, milliyyətin heç bir fərqi yoxdur. Azərbaycan çoxmillətli, çoxkonfensiyalı bir ölkə olsa da, hər kəsin bir amalı var: bu torpağa kəm baxan gözlərə dağ çəkmək, yeraltı, yerüstü bütün sərvətlərə sahib çıxmaq. Necə ki, Vətən müharibəsində hamımız həmrəy olub Qələbəyə sevindik, bundan sonrakı bütün fəaliyyətlərimizdə də birliyimizi nümayiş etdirməliyik və etdiririk də. Lakin ekokönüllülər, təbiətsevərlər ətraf mühitə dair istənilən məsələyə çox həssas yanaşırlar. Mən də bir ekokönüllü kimi çalışıram ki, ətraf mühitin qorunmasına dair bütün tədbirlərdə aktiv olum, həm təbiətimizə fayda verim, həm də özümü daha da inkişaf etdirim. Gələcəkdə daha yaxşı bir ekoloq olmaq üçün təcrübəyə çox ehtiyacım var. Düşünürəm ki, könüllülük fəaliyyəti bilmədiklərimi də öyrənməyə kömək edəcək”.

Göründüyü kimi gələcəyimizi gənclərimizə və onların izi ilə gələn nəsillərə etibar edə bilərik. Çünki gəncliyimiz parlaq gələcəyə uzanan işıqlı yollarla addımlamağı seçib...

 

Xəbəri sosial şəbəkələrdə paylaşın

Bizi sosial şəbəkələrdə izləyin

Rəqəmsal İnkişaf və Nəqliyyat Nazirliyi gücləndirilmiş iş rejimində fəaliyyət göstərəcək

“Novruz gəlir, yaz gəlir” – AzMİU kollektivi İlaxır çərşənbədə tonqal ətrafında bir araya gəldi

BDU Sənaye və Texnoloji Tədqiqat Təşkilatlarının Dünya Assosiasiyasına tamhüquqlu üzv seçilib

“Azəriqaz” Novruz bayramı günlərində gücləndirilmiş iş rejimində çalışacaq

® “Azpetrol” şirkəti yanacaqdoldurma məntəqələrinin sayını 104-ə çatdırıb

KİV: İsrail və HƏMAS Doha danışıqlarında kompromisə hazırdır

Türkmənistanın Ticarət-Sənaye Palatası Türk Ticarət və Sənaye Palataları Birliyinin tamhüquqlu üzvü olub

Türkiyənin yeni milli müdafiə sistemi ictimaiyyətə təqdim edilib

ADA Universiteti Fondunun sponsorluq layihələri üzrə direktoru: Gender arası əməkdaşlıq inkişafın göstəricisidir - açıqlama

Novruz təamlarından istifadə edərkən diqqət yetirilməli məsələlər

Şəhid ailə üzvü olan təhsil işçiləri ilə görüş keçirilib

Milli Kitabxanada Novruz bayramı ilə bağlı elektron məlumat bazası yaradılıb

Yevlaxda Novruz bayramı münasibətilə konsert təşkil olunub

Azərbaycan gimnastları Almaniyada Dünya Kubokunda çıxış edəcəklər

Naxçıvan Muxtar Respublikası Ali Məclisinin yeni veb-saytı istifadəyə verilib

İrqçilik etdiyi üçün millinin heyətindən kənarlaşdırılıb

Bir sıra ölkələrdən quşçuluq məhsullarının idxalına məhdudiyyət qoyulub

Blinken Qəzzada atəşkəsi müzakirə etmək üçün Ər-Riyada və Qahirəyə gedəcək

® “Azersun Holding” 10 mindən çox ailəni Novruz sovqatı ilə sevindirib

Azərbaycan poeziyası İspaniyada

Pomidor istehsalçıları ilə görüş keçirilib

Uzun illər itmiş sayılan nadir dəniz qabığı kolleksiyası indi İngiltərədə nümayiş etdirilir

Yanvar-fevral aylarında əlilliyi olan şəxslərə 20,8 min reabilitasiya vasitəsi verilib

“SpaceX” qlobal internet şəbəkəsinə aid daha 22 peyki orbitə çıxarıb

Son iki ayda sosial sahə üzrə 78 mindən çox e-arayış verilib

Fransa Mərakeşə 146 milyon dollar kredit verir

Qazaxıstan Xəzər dənizində hərbi təlimlər keçirib

Ədliyyə naziri Saatlıda vətəndaşları qəbul edib

“Ətirlisən, dadlısan, süfrəmizin yaraşığısan” II Çay Festivalı keçirilib

Martın 18-də aşkarlanan silah və sursatların sayı açıqlanıb

Fransuaza Jilonun rəssamlıq irsi Pikasso Muzeyində

Novruz bayramı ilə əlaqədar yanğın təhlükəsizliyi qaydalarına dair Fövqəladə Hallar Nazirliyi əhaliyə müraciət edib

Kəngərli rayonunun yaradılmasının 20 illiyinə həsr olunan virtual sərgi təqdim edilib

Bakının abad məhəllələrində Novruz şənlikləri davam edir

Hərbi Prokurorluq işçiləri Müdafiə Nazirliyinin yüksəkrütbəli vəzifəli şəxsləri ilə birgə Novruz bayramı ərəfəsində hərbi hissələrdə olublar

® Monteneqronun sabiq prezidenti Milo Cukanoviç “Azərbaycanın dostu” qızıl ordeni ilə təltif olunub

Dünya Bankı Misirə 6 milyard dollar yardım edəcək

Baş Dövlət Yol Polisi İdarəsi qeyri-iş günlərində səfərə hazırlaşan sürücülərə müraciət edib

Aİ Şurası Ukraynaya yeni yardım fondunu təsdiqləyib

Folklorşünas alim: Torpaq çərşənbəsi insanın təbiətlə həmrəy olması bayramıdır

Türkiyədə fəlakət zonasındakı sakinlər hər ay 15 min evlə təmin ediləcək

DİN: Martın 19-da ölkə üzrə 40 cinayətin açılması təmin olunub

Ölkənin əksər bölgələrinə yağış, dağlıq rayonlara qar yağıb

Dünya birjalarında neft ucuzlaşıb

Zabrat qəsəbəsindəki marketdə baş verən yanğın söndürülüb

Naxçıvanın kəndlərinin içməli su təminatı yaxşılaşdırılır

MDU-da tərəfdaş universitetlərlə birlikdə Çanaqqala Zəfərinin ildönümü qeyd edilib

Azərbaycan nefti bahalaşıb

Azərbaycanın Birinci vitse-prezidenti Mehriban Əliyeva İlaxır çərşənbə ilə bağlı paylaşım edib

® GL 2023-cü ildə neft hasilatı artımına nail olub

Sabahdan Azərbaycanda 7 günlük Novruz tətili başlayır

Bakının bəzi yollarında sıxlıq müşahidə olunur SİYAHI

Mövcud hava şəraiti ilə bağlı sürücülərə müraciət edilib

Ukraynanın Krivoy-Roq şəhərində Novruz bayramı ilə bağlı konsert təşkil edilib

Saatlıda narkokuryerlik edən şəxs saxlanılıb

Hüquq müdafiəçisi: Azərbaycan NATO-nun uzunmüddətli tərəfdaşıdır

Türkiyə tədqiqatçıları stressin beyində “zamanın qavranılmasını” pozduğunu müəyyənləşdiriblər

Daşkəsəndə narkotik vasitələr satan şəxs saxlanılıb

Avstraliya məhkəməsi “Uber”i böyük məbləğdə təzminat ödəməyə məcbur edib

Yanlış ayaqqabı uşağın sağlamlığına zərər verə bilər - Mütəxəssis rəyi

Anaklia limanının dəniz infrastrukturunun tikintisi üçün beynəlxalq tender elan edilib

Süni intellekt və lazer əsaslı sensorla mədədəki xəstəliklər müəyyən ediləcək

Braziliyada hiss edilən temperatur 62 dərəcə Selsini keçib

Yaponiyada yaşlı insanlar əməyə cəlb edilir

İraq neft ixracını azaldacaq

Ümumdünya Buxara Yəhudiləri Konqresinin nümayəndə heyəti Qırmızı qəsəbəyə səfər edib

Budapeştdə biznes forumda Azərbaycandakı investisiya imkanlarından danışılıb

Gürcüstanın Təhsil və Elm Nazirliyinin Marneuli İctimai Kollecində təntənəli Novruz şənliyi keçirilib

Azərbaycanın Qırğızıstandakı səfirliyində Novruz bayramı qeyd edilib

Bu gün Torpaq çərşənbəsidir

Şabranda minik avtomobilləri toqquşub, yaralananlar var

“Robotexnika Klubu”nun üzvləri Türkiyədə keçiriləcək “Texnofest”ə layihə təqdim ediblər

Kəngərli rayonunun yaradılmasının 20 illiyi qeyd olunub

Türkiyə və Rusiya prezidentləri arasında telefon danışığı olub

Dövlət Komitəsində Yaponiyada yaşayan azərbaycanlı pianoçu ilə görüş olub

Amur vilayətindəki filiz mədənində qəza baş verib, dağıntılar altında qalanlar var

Media əməkdaşları arasında atıcılıq yarışının qalibləri bəlli olub

Türkiyə Prezidenti: Bu yay İraq sərhədimizin təhlükəsizliyini tam təmin edəcəyik

Naxçıvan ŞİH: Möminə Xatun türbəsinin ətrafındakı tikili ilə bağlı yayılanlar həqiqəti əks etdirmir

Azərbaycanın güləş millisi “Çempionlar” turnirini 10 medalla başa vurub

YAP Səbail rayon təşkilatında Novruz bayramı qeyd edilib

Nigeriyada daha yüz adam oğurlanıb

Azərbaycan-İraq əlaqələrinin inkişaf perspektivləri müzakirə olunub

Bakı Ali Neft Məktəbində “Huawei” şirkətinin laboratoriyası fəaliyyətə başlayıb

Nazirlik: Hərbi hissələrdə bayram tədbirləri qapalı şəraitdə keçirilir

Azərbaycan atıcıları Almaniyada qızıl medal qazanıblar

Bakı Dövlət Universitetində Novruz şənliyi

Yens Stoltenberq: NATO ilə Azərbaycan arasında əməkdaşlıq üçün yeni çərçivə sənədinin razılaşdırılması üzərində iş aparırıq VİDEO

Beynəlxalq mətbuat Azərbaycan Prezidentinin NATO-nun Baş katibi ilə görüşündən yazır

“Ailəm könüllüləri” proqramının könüllüləri mükafatlandırılıb

Nobel sülh mükafatı laureatı Məhəmməd Yunus BAMF-da olub

Azərbaycan icması Böyük Britaniya Parlamentinə etiraz məktubu göndərib

Müdafiə naziri Novruz bayramı münasibətilə Azərbaycan Ordusunun şəxsi heyətini təbrik edib

Unudulmaz bəstəkar Şəfiqə Axundovanın 100 illik yubileyi qeyd olunub

Hikmət Hacıyev: Azərbaycan ilə Çin arasında ənənəvi dostluq və tərəfdaşlıq münasibətləri var VİDEO

Xüsusi təyinatlı təhsil müəssisələrində Çanaqqala zəfərinin 109-cu ildönümü qeyd edilib VİDEO

Ağdamda Bahar bayramı şənliyi keçirilib

Bakının Dəmir yolu vağzalında keçirilən oftalmoloji aksiya zamanı 120 nəfər müayinə olunub 

Monitorinq Mərkəzi Almaniyada “Avropada dilimizin bu günü və sabahı” adlı tədbir keçirib

M.F.Axundzadənin “Müsyö Jordan və dərviş Məstəli şah” əsəri İstanbulda səhnələşdiriləcək