AZƏRTAC-ın müxbiri xəbər verir ki, Fransa Prezidenti Jak Şirak aprelin 19-da Yelisey sarayında Misir Prezidenti Hüsnü Mübarəklə görüşmüşdür. Prezidentlər danışıqlar zamanı son günlər Yaxın Şərqdə baş vermiş hadisələrdən ciddi narahat olduqlarını bildirmiş və “Həmas” təşkilatının lideri Əbdüləziz Rantissinin qətlə yetirilməsini pisləmişlər.

Münaqişənin sülh yolu ilə həllini dəstəkləyən dövlət başçıları İsrail və Fələstin rəhbərlərinin danışıqlara başlamasına tərəfdar olduqlarını bildirmişlər. Prezident Jak Şirakın fikrincə, “məsələnin başqa yolla həlli regionda sülhü və təhlükəsizliyi təmin etməyəcəkdir.”

Prezidentlər İraqdakı hadisələrə dair fikir mübadiləsi də aparmış və tezliklə bu ölkədə əmin-amanlığın bərpa olunmasını arzusu etmişlər.