Fevralda “AtaBank”ın aktivləri 26,7 faiz artmışdır

Bakı, 16 mart (AZƏRTAC). “AtaBank” ASC-nin 2013-cü il fevral ayının maliyyə təsərrüfat fəaliyyətinin nəticələri uğurlu olmuşdur.

Bankdan AZƏRTAC-a bildirmişlər ki, ötən ilin fevralı ilə müqayisədə aktivlər 26,7 faiz və ya 60,8 milyon manat artaraq 289 milyon manat, ümumi kredit portfeli 25,8 faiz və ya 39,4 milyon manat artaraq 191,8 milyon manat təşkil etmişdir.

Hesabat tarixinə bankın depozit portfelində əhəmiyyətli dərəcədə artım müşahidə olunmuşdur. Belə ki, bu göstərici 28,2 faiz və ya 53,8 milyon manat artaraq, 244,3 milyon manata çatmışdır. Nizamnamə kapitalı 11,9 faiz və ya 3 milyon manat artaraq 28 milyon manat olmuşdur.