İDMAN


Formula 1-də mövsümün mayadək təxirə salınmaq təhlükəsi var

Bakı, 28 fevral, AZƏRTAC

Formula 1 komandalarından bəziləri, həmçinin avtodromların təmsilçiləri koronavirus təhlükəsinə görə mövsümün mayadək təxirə salınacağından ehtiyatlanırlar.

AZƏRTAC xəbər verir ki, artıq Çin Qran-Prisi təxirə salınıb. Hazırda Vyetnam və Bəhreyndə keçiriləcək yürüşlərin təxirə salınması ilə bağlı söhbətlər var. Hətta Hanoydakı avtodrom rəsmilərindən biri deyilənləri istisna etməyib. Bəhreyndə də koronavirusa yoluxma faktları qeydə alınıb. Mövsümün Avstraliyada keçirilməli olan ilk Qran-Prisi barədə də bədbin fikirlər səslənir. Avstraliya hökuməti vətəndaşlarına Sinqapur və Bəhreyn kimi ölkələrə getməyə qadağa qoyub.

Bununla belə, Formula 1 rəhbərliyi mövsümün plan əsasında keçiriləcəyini söyləyib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.