İDMAN


Formula-1-in yüksək səviyyədə keçirilməsi Azərbaycanın əsl idman ölkəsi olduğunu bir daha sübut edir VİDEO

Vaşinqton, 20 iyun, AZƏRTAC

Bakıda keçirilən Formula-1 Avropa Qran-pri yarışı ABŞ-ın idman kanallarının diqqətindən də kənarda qalmayıb. ABŞ-dakı Azərbaycan icmasının üzvləri Avropa Qran-prisinə məşhur NBC kanalı vasitəsilə baxmaq üçün ölkəmizin Vaşinqtondakı səfirliyində toplaşıblar.

Səfirliyin müşaviri Məmməd Talıbov bildirib ki, Avropa və Asiyanın qovuşuğunda yerləşən Azərbaycanda Formula-1 yarışının keçirilməsi onun əsl idman ölkəsi olduğunu bir daha sübut edir. Azərbaycan dünyada idman mərkəzi kimi şöhrət qazanan müasir Avropa ölkəsi kimi tanınır.

Bildirilib ki, yüksək səviyyədə təşkil edilən bu idman yarışını dünyada yüz milyonlarla tamaşaçı izləyir. O, yarış çərçivəsində müxtəlif əlavə tədbirlərin keçirildiyini, dünya şöhrətli musiqiçilərin konsert verdiklərini də diqqətə çatdırıb. Diplomat vurğulayıb ki, bu yarış tarixə Azərbaycanın qazandığı yeni bir uğur kimi düşəcək.

Yusif Babanlı

AZƏRTAC-ın xüsusi müxbiri

Vaşinqton

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.