SİYASƏT


Fransalı deputat: Fransa Minsk qrupunun həmsədr ölkəsi kimi neytral olmalıdır

Paris, 11 noyabr, AZƏRTAC

Fransa Milli Assambleyasının deputatı, xarici işlər komissiyasının üzvü Jan Luk Reytzer təmsil etdiyi partiyanın üzvlərinə məktub ünvanlayıb və Fransanı bitərəf olmağa çağırıb.

AZƏRTAC xəbər verir ki, fransız deputat Milli Assambleyada təmsil etdiyi partiyanın üzvlərinə ünvanladığı məktubda Fransanı Minsk qrupunun həmsədr ölkəsi kimi neytral olmağa səsləyib. O, BMT Təhlükəsizlik Şurasının Dağlıq Qarabağ münaqişəsi ilə bağlı 4 qətnaməsini xatırladaraq, Ermənistanın Azərbaycanın təkcə Dağlıq Qarabağ bölgəsini deyil, onun ətrafında yalnız azərbaycanlıların yaşadığı 7 rayonu da işğal etdiyini diqqətə çatdırıb. Həmin qətnamələrin erməni silahlı qüvvələrinin Azərbaycanın işğal olunmuş ərazilərindən dərhal, tam və qeyd-şərtsiz çıxarılmasını tələb etdiyini vurğulayıb.

Deputat Fransanın bitərəfliyi qorumalı olduğunu, əks təqdirdə, ziddiyyətlərlə üzləşəcəyini, beynəlxalq nüfuzunu, etimadını və imicini zəiflədəcəyini və diplomatik əlaqələrinə ziyan dəyəcəyini bildirib. O vurğulayıb ki, BMT-nin qətnamələrinə hörmətlə yanaşmaq lazımdır.

 

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.