Bakı, 13 yanvar, AZƏRTAC

Ağdamın “Qarabağ” futbol klubu Adama Diakabini heyətinə qatıb.

AZƏRTAC kluba istinadla xəbər verir ki, Azərbaycan çempionu fransalı hücumçu ilə 2025-ci il iyunun 30-dək müqavilə imzalayıb.

Futbolçu Fransanın U-21 millisinin şərəfini qoruyub. İyirmi altı yaşlı hücumçu Fransanın “Kan”, “Renn”, “Monako” və “Amyen”, eləcə də İngiltərənin “Haddersfild” və “Nottingem Forest” klublarının da formasını geyinib.