CƏMİYYƏT


Fransalı skaut: Skaut hərəkatı Azərbaycanda daha geniş vüsət alacaq

Bakı, 16 avqust, AZƏRTAC

Mən Fransadan gəlmişəm, təbiəti mühafizə məsələləri ilə məşğulam və “Mindfulness scout” təşkilatının prezidentiyəm. Diqqətəlayiq haldır ki, dünyanın müxtəlif ölkələrindən mindən çox skaut yeni plan və ideyaları, gələcək tədbir və layihələri müzakirə etmək üçün bu gün bura toplaşıb. Bu gün Azərbaycanda Dünya Skaut Forumunda iştirak etmək mənim üçün böyük şərəfdir. Tədbir yüksək səviyyədə təşkil edilib. Belə mehriban və qonaqpərvər qəbula və skaut hərəkatının irəlilədilməsi işində səylərə görə hamıya təşəkkür edirəm.

Bu sözləri AZƏRTAC-a müsahibəsində 41-ci Dünya Skaut Konfransının iştirakçısı, “Mindfulness scout” təşkilatının prezidenti, fransalı skaut Bastiyen İzabelle deyib.

Bakı Konqres Mərkəzinin binasına heyran qaldığını, Azərbaycan Skautlar Assosiasiyasının (ASA) gördüyü işlərin onda güclü təəssürat oyatdığını bildirən fransalı skaut ASA-ya gələcək fəaliyyətində uğurlar arzu edib.

B.İzabelle vurğulayıb ki, skaut hərəkatı Azərbaycanda daha geniş vüsət alacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.