ELM VƏ TƏHSİL


“Gələcək texnologiyalar konfransı 2019” keçiriləcək

Bakı, 19 fevral, AZƏRTAC 

Noyabrın 14-15-də ABŞ-ın Kaliforniya ştatının San-Fransisko şəhərində “Gələcək texnologiyalar konfransı” (Future Technologies Conference – FTC 2019) keçiriləcək.

AMEA-nın İnformasiya Texnologiyaları İnstitutundan AZƏRTAC-a bildirilib ki, konfransda 50-dən çox ölkənin aparıcı universitetləri, tədqiqat şirkətlərinin nümayəndələri, eləcə də alim və tədqiqatçılar texnologiya və hesablama sahələrində qabaqcıl araşdırmaları təqdim edəcəklər.

“FTC 2019” texnologiya trendləri, elektronika, süni intellekt, kommunikasiya, təhlükəsizlik istiqamətlərini əhatə edəcək. Məqalələr martın 1-dək qəbul olunur.

Konfransa qəbul olunmuş məqalələr “Springer” nəşriyyatının “Advances in Intelligent Systems and Computing” seriyasında dərc ediləcək və indeksləşmə üçün “ISI Proceedings”, “EI-Compendex”, “DBLP, SCOPUS”, “Google Scholar” və “Springerlink”ə təqdim olunacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.