“Gənc istedadlar” liseyinin XI sinif şagirdi Vaşinqton Dövlət Universitetinə qəbul olub

Bakı, 27 mart, AZƏRTAC

Bakı Dövlət Universitetinin (BDU) nəzdində “Gənc istedadlar” liseyinin XI sinif şagirdi, “Sabahın alimləri” XII respublika müsabiqəsində fizika, astronomiya bölməsi üzrə I yerin qalibi Misir Hüseynli Amerika Birləşmiş Ştatlarının Vaşinqton Dövlət Universitetinə qəbul olub.

Bu barədə AZƏRTAC-a BDU-dan məlumat verilib.

Misir Hüseynli bu nüfuzlu ali təhsil ocağında astrofizika ixtisası üzrə təhsil alacaq.