CƏMİYYƏT


Gəncədə sahibkarlarla görüş keçirilib

Bakı, 28 noyabr, AZƏRTAC

Qida Təhlükəsizliyi Agentliyi sahibkarların maarifləndirilməsi məqsədilə Gəncədə tədbir keçirib.

Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, Gəncə şəhərində, Goranboy, Samux, Daşkəsən və Göygöl rayonlarında fəaliyyət göstərən bitki və bitkiçilik məhsullarının istehsalçıları, idxalçıları və ixracatçıları ilə görüşdə istixanalarda yetişdirilən məhsulların zərərli orqanizmlərinə qarşı mübarizə tədbirlərinin aparılmasının vacibliyi diqqətə çatdırılıb.

Qeyd olunub ki, zərərvericilərə qarşı vaxtında və düzgün mübarizə tədbirləri aparıldıqda bol və keyfiyyətli məhsul əldə etmək mümkündür. Eyni zamanda, zərərli orqanizmlərə qarşı istifadə olunan kimyəvi maddələrin ən son həddə istifadə olunması və bu zaman norma və qaydalara riayət olunması da tövsiyə edilib. Həmçinin aqrokimyəvi maddələr və digər bitki mühafizə vasitələrinin tətbiqi və istifadəsi zamanı təhlükəsizlik, şəxsi gigiyena qaydalarına əməl edilməsi diqqətə çatdırılıb.

Görüşdə sahibkarları maraqlandıran suallar cavablandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.