Göygöl rayonunda 30 uşaq günərzi xidmətlərlə əhatə olunub
AzerTAg.az
Bakı, 4 sentyabr, AZƏRTAC
Əmək və Əhalinin Sosial Müdafiəsi Nazirliyinin sosial sifarişi ilə “Üfüq” Xeyriyyə Cəmiyyəti İctimai Birliyi tərəfindən Göygöl rayonunda yaradılan Uşaq günərzi qayğı mərkəzinə 30 uşaq cəlb edilib.
Nazirliyin İctimaiyyətlə əlaqələr və kommunikasiya şöbəsindən AZƏRTAC-a verilən məlumata görə, günərzi qayğı mərkəzində aztəminatlı, tək valideynli, ünvanlı sosial yardım alan, şəhid ailələrindən olan uşaqlara gündəlik inkişaf xidmətlərinin göstərilməsi, psixoloji dəstəyin və məsləhətlərin verilməsi, uşaqlar üçün hüquqi müvəkkilliyin təmin edilməsi, uşaqların maraq və qabiliyyətləri nəzərə alınaraq müxtəlif dərnəklər vasitəsilə özünəxidmət bacarıqlarının artırılması və təxəyyülün inkişaf etdirilməsi, mərkəzə cəlb edilən uşaqların vaxtının səmərəli təşkili məqsədilə müxtəlif tədbirlər həyata keçirilir.
Uşaqların mərkəzə gətirilib aparılması məqsədilə nəqliyyat vasitəsi də ayrılıb.
Xəbərin mətnində orfoqrafik səhv var
