DÜNYA


Gürcüstan Baş prokurorluğu 150-dən çox sabiq vəzifəli şəxsə qarşı cinayət işi açıb

Tbilisi, 20 noyabr, AZƏRTAC

Gürcüstanın Baş prokurorluğunda Mixeil Saakaşvili dövründə hakimiyyətdə yüksək vəzifə tutmuş 159 nəfərə qarşı cinayət işi açılıb.

AZƏRTAC Baş prokurorluğun yaydığı məlumata istinadla xəbər verir ki, M.Saakaşvilinin hakimiyyətdə olduğu vaxtlarda müxtəlif cinayətlər törətmiş və cinayətlərdə iştirak etmiş yüksəkvəzifəli 159 nəfər barəsində cinayət işi başlayıb.

Onların sırasında sabiq prezident Mixeil Saakaşvili, sabiq daxili işlər naziri Vano Merabişvili, sabiq ədliyyə naziri Zurab Adeişvili, Tbilisinin keçmiş meri Qiqi Uqulava, sabiq müdafiə naziri Baço Axalaya və başqaları var. M.Saakaşviliyə qarşı 4, Baçane Axalayaya qarşı 4, Vano Merabişviliyə qarşı 5 cinayət işi açılıb.

Siyasi ekspertlərin sözlərinə görə, hakimiyyətin bu faktları bəyan etməsi siyasi motivlərlə əlaqəlidir. Hakimiyyət prezident seçkilərinin ikinci turu öncəsi bu faktları açmaqla seçiciləri müxalifətin namizədinə səs verməkdən çəkindirməyə çalışır.

 

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.