CƏMİYYƏT


Gürcüstan mətbuatı ermənilərin Kəlbəcərdə törətdiyi ekoloji terrordan yazır

Tbilisi, 16 noyabr, AZƏRTAC

Gürcüstanın saytları ermənilərin işğaldan azad olunmuş ərazilərimizdə, xüsusən də Kəlbəcərdə törətdiyi vəhşiliklər, ətraf mühitə vurduğu ziyan və ekoloji terror barədə məlumat yayıb.

AZƏRTAC xəbər verir ki, rus, ingilis və gürcü dillərində yayılan məlumatlarda Azərbaycanın insan hüquqları üzrə müvəkkili (ombudsman) Səbinə Əliyevanın dünya dövlətlərinə və beynəlxalq ictimaiyyətə erməni terroru ilə bağlı faktlara əsaslanan müraciətindən bəhs olunur.

Müraciətdə ermənilərin Kəlbəcərdə meşələri kütləvi şəkildə qırması və yandırması faktları əksini tapıb. Dünya birliyi və beynəlxalq təşkilatları erməni vəhşiliyinə, ekoloji terrora göz yummamağa, ermənilərin heç bir hüquqa və ədalətə sığmayan əməllərinə kəskin reaksiya verməyə, bu terroru təcili dayandırmağa çağırılıb.

 

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.