DÜNYA


Gürcüstan müxalifəti prezident seçkilərinin ikinci turunda Qriqol Vaşadzeni dəstəkləyəcək

Tbilisi, 29 oktyabr, AZƏRTAC

Prezident seçkilərinin ikinci turunda “Avropalı Gürcüstan” partiyası “Vahid Milli Hərəkat” partiyasının namizədi Qriqol Vaşadzeni dəstəkləyəcək.

AZƏRTAC xəbər verir ki, bu sözləri prezidentliyə namizəd, “Avropalı Gürcüstan” partiyasının lideri David Bakradze oktyabrın 29-da keçirdiyi brifinqdə söyləyib.

Bakradze deyib: “Əgər seçkilərin nəticələri ilə bağlı bugünkü mənzərə təsdiq olunsa, seçkilərin ikinci turunda Qriqol Vaşadze mübarizə aparsa, biz onu dəstəkləyəcəyik. Mən bütün tərəfdaşlarımı Qriqol Vaşadzeni dəstəkləməyə çağırıram”.

David Bakradze seçkilərin ilkin nəticələrində 10,97 faiz səs toplayıb və məğlubiyyətini etiraf edib.

Məlumat üçün qeyd edək ki, prezident seçkilərinin ikinci turunda hakim “Gürcü Arzusu-Demokratik Gürcüstan” partiyasının dəstəklədiyi müstəqil namizəd Salome Zurabişvili və “Vahid Milli Hərəkat” partiyasının namizədi Qriqol Vaşadze mübarizə aparacaqlar.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.