İQTİSADİYYAT


Gürcüstan sentyabrda Azərbaycandan 1,9 min ton neft bitumu idxal edib

Tbilisi, 11 oktyabr, AZƏRTAC

Cari ilin sentyabrında Gürcüstan Azərbaycandan 1,9 min ton neft bitumu idxal edib.

AZƏRTAC xəbər verir ki, bu barədə Gürcüstanın Neft Məhsulları İdxalçıları Birliyi məlumat yayıb. Hesabat ayında Gürcüstan ümumilikdə 20 min ton neft bitumu tədarük edib ki, bu da aylıq müqayisədə 7,5 min ton azdır. Neft bitumu idxalının 14,6 min tonu və ya 73 faizi İranın payına düşüb. Gürcüstan sentyabrda idxal etdiyi neft bitumunun 9,5 faizi Azərbaycanın payına düşüb.

Ötən ay Gürcüstan İraqdan 3 min ton, Türkiyədən 0,3 min ton, Rusiyadan isə 0,2 min ton neft bitumu alıb.

Cari ilin 9 ayında isə Gürcüstan 130,5 min ton neft bitumu idxal edib. İllik müqayisədə idxalın həcmi 62,8 min ton artıb.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.