“Voyager 1” zondu uzun fasilədən sonra Yerə siqnal göndərib
Bakı, 26 aprel, AZƏRTAC
“Voyager 1” kosmik zondu 5 aydan sonra Yerə keyfiyyətli siqnal göndərib.
AZƏRTAC xəbər verir ki, noyabrdan zond Yerə keyfiyyətli siqnal göndərmirdi. Buna görə də cihazın texniki vəziyyəti barədə məlumat almaq mümkün deyildi. Hazırda yerdən 24 milyard kilometr məsafədə olan cihazın göndərdiyi son siqnalları emal edərək onun vəziyyəti barədə məlumat almaq mümkün olub.
NASA mütəxəssisləri 46 il əvvəl buraxılmış zonda müvafiq əmrlər yollayıblar və normal iş rejimi bərpa olunub.
Qeyd edək ki, 1977-ci ildə buraxılmış “Voyager 1” və “Voyager 2” zondları ulduzlararası boşluqda hərəkət edir. Yerdən təxminən 24 milyard kilometr məsafədə yerləşən cihazlara siqnalın göndərilməsi və qəbul edilməsi təxminən 2 ay çəkir. Onlar bəşər övladının hazırladığı günəş sistemini tərk etmiş ilk kosmik avadanlıqdır.
“Voyager 1” zondunun bortundakı qızıl plastinkada Azərbaycan musiqisi də yer alır.
Bölmənin digər xəbərləri
