İQTİSADİYYAT


Gürcüstan yarım ildə Azərbaycandan 97 min ton yanacaq alıb

Tbilisi, 15 iyul, AZƏRTAC

Cari ilin birinci yarısında Gürcüstan 494,3 min ton benzin və dizel yanacağı idxal edib. Bu da illik müqayisədə 228 min ton azdır.

AZƏRTAC Gürcüstanın Neft Məhsulları İdxalçıları Birliyinə istinadla xəbər verir ki, ölkənin idxal etdiyi yanacağın 259,7 min tonu benzin, 234,6 min tonu isə dizel yanacağı olub.

Hesabat dövründə Gürcüstan ən çox Rusiyadan benzin və dizel yanacağı idxal edib (151,8 min ton). Bu da Gürcüstanın ümumi yanacaq idxalının 30,7 faizini təşkil edib.

Yanvar-iyun aylarında Gürcüstan Rumıniyadan 130,2 min ton, Azərbaycandan 97 min ton, Bolqarıstandan 47 min ton, Türkmənistandan 42,6 min ton, Yunanıstandan isə 25,1 min ton yanacaq alıb.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.